#ceritababazi #56 Sumeleh

Nalika awake dewe lagi diwenehi pacoban urip, awake dewe kudu kepiye supaya bisa tetep kuat lan semangat ngelakoni?

Nah, iki sik bakal dadi pembahasan neng tulisan sik arep tak tulis kanthi sak pangertenku bab pacoban urip kuwi mau. 

Sik mesti bakalan marakke penasaran dening kabeh sik mampir neng omah wewacanku iki. Sopo coba sik ora tau diwenehi pacoban urip, mesti kabeh menungso wis tau to ya? yo pora rek?

Ngerti pora rek, iki nembe sepisan aku nulis nganggo boso daerah yoiku boso jowo. Dadi nek rodo ora kepenak diwoco yo nyuwun pangapunten loh ya...

Kadang kolo awake dewe kui ono munggah mudune nglakoni urip sik saiki awake dewe lakoni, yo sepisan nek awake dewe lagi ono ning ngisor mesti pikirane awake dewe kui dadi mumet lan cuntel. Tapi kadang kolo yo ono neng duwur sik marake awake dewe gumedhe ndase, lali marang gusti sik gawe urip.

Jenenge wae urip kui kabeh menungso mesti ono wolak walik ing jaman, nah mangkane kui awak e dewe sik sadar lan tumprap eling marang opo sik diarani roso syukur marang gusti sing maringi awake dewe rejeki sehat bagas lan waras.

kocap sakwise kedadean pacoba urip mau pancen marai miris neng ati, tapi yo kudu percoyo nek jenenge gusti sik gawe urip ora bakal menehi umate sengsara terus. Kejobo manungsone dewe sik marai deweke nyengsarakke dewe.

Ananging wujud pacoban kui mau bedo siji lan liyane, tergantung karo kersane sing menehi pacoban urip. Pacoban urip iku werno-werno awujud iso kedadean diwenehi sugih bondho, ono sing diwenehi wong sik ora duwe, ono sik diwenehi lelaranen pokoke bedo siji lan sijine.

Awake dewe menungso isone mung sumeleh lan waspodo karo urip, senajan urip kui susah yo kudu dilakoni kanthi sumeleh tanpa ngasorake marang opo sik diparingi kalian gusti sing maha agung.

Lumrahe menungso kui yo ono sik senengane sambat marang uripe, ono juga engkang podo sumeleh kanthi ikhlas nrimo ing pandum opo sik dadi lelakone uripe.

Sambat kui kudune yo karo sik gawe urip, ojo sambat marang wong liyan sik durung mesti pener tembunge, iso-iso malah digeguyu opo malah awake dewe digeguyu tumraping uripe awake dewe sik mblangsak.

Kudune awake dewe menungso kui yo kudu sik legowo lan semangat kanggo wujudake opo sik dadi pengarep-arep neng uripe saiki kanggo sesuk emben.

Urip kui sik migunani tumpraping liyan supaya awake dewe nek lagi diparingi pacoban urip ono sik bantu. Hanek arep urip dewe yo susah, mendingan ora usah urip wae. Urip kui urup senajan urip susah tapi iso migunani marang liyane.

Donga lan dinunga ben awake dewe iso nglewati pacoban urip sik ono neng arep mbok menowo lagi susah tenan mesti ono sik nyemangati.

Lah kui mau kabeh yo ming urip mampir ngombe kabeh kok, opo ono jenenge bondho sik digowo mati? bojo ayu digowo mati lak yo ora to?

Wis urip sik sak madya wae ben uripe kepenak ora usah kokean polah ndak bopo kepadrah.